Novaĵoj

Post longa paneo la SAT-retejo ne estis ĝisdatigebla. Nun denove eblas modifi la paĝaron kaj ni iom post iom klopodas reordigi la situacion. Jam la paĝoj pri perantoj kaj kotizoj estis ĝistagitaj. Ankaŭ aperas la deklaracio kaj gvidrezolucio de la 98a SAT-kongreso, okazinta en Grezijono dum aŭgusto 2025. Pliaj informoj pri la 99a kongreso, okazonta en Leono inter la 19a kaj 26a de julio 2026, estos baldaŭ disponigitaj.

SAT-Kongreso estas kongreso organizata ĉiujare de Sennacieca Asocio Tutmonda. Ĝi taŭgas kiel renkontiĝo de la anaro kaj la simpatiantoj de la organizo. Ĝi kutime enhavas ankaŭ socipolitikajn debatojn, kulturajn erojn, turismajn vojaĝojn kaj distrajn aktivadojn.

La 97a SAT-Kongreso okazis en Oporto, Portugalio inter la 5a kaj la 11a de aŭgusto 2024. Al ĝi aliĝis 79 kongresanoj. La kongreso akceptis la jenajn deklaracion kaj gvidrezolucion. La kongresa programo estas konsultebla en la kongresa retejo kaj kelkaj eroj el ĝi jam aperas en la jutuba kanalo de la kongreso.

Traduko de la kanzono de Georgo Brasenso (originala titolo : Le Pêcheur) okaze de la centjariĝo de lia naskiĝo.
Publikigita okaze de la Tutmonda Tago por Fino de Fiŝado 2024 (30/03).

Post tri jaroj da trudita reta kongresado, eblis denove renkontiĝi ĉeeste en unu el la kulturdomoj mastrumataj de francaj esperantistoj : la kastelo Greziljono. La kongreso okazis inter mardo la 18a de julio kaj mardo la 25a de julio 2023. La kongreso akceptis la jenajn deklaracion kaj gvidrezolucion.

INFORMOJ

SATeH, kiel internaciisma kaj pacisma organizaĵo, protestas kontraŭ la terura situacio en kiu estas popoloj de Mezoriento kaj speciale de Palestino en la lastaj semajnoj. Ne temas pri portempa situacio, sed pri situacio jam preskaŭ jarcentdaŭra, en kiu nuntempe mortas centoj da personoj ĉiutage. Dekomence ni vidas la rezulton de la religiaj kaj kulturaj diferencoj kiuj kondukis al tiu neeltenebla situacio.

Kiel unua respondeculo de la jam tiel longa tragedio, ni fingromontras koloniismon kaj aparte la kolonian potencon sur Palestinio, nome Unuiĝinta Reĝlando, kiu prenis decidojn sur la teritorio kaj la loĝantaro tute nekonsiderinte la opiniojn de ĉi lasta.

Kiel nunan ĉefan okaziganton de la tragedio, ni kulpigas la religibazitan ŝtaton Israelo, kiu konvertis la malamikecon de siaj arabaj najbaroj en ekspansiismo kontraŭ ĉiuj reguloj de la internacia juro, en invado de nepropraj teritorioj (profitante la komplicecon de la "internacia komunumo") kaj en la instalado de apartisma sistemo, kiu estis iam neakceptebla ĉe Sudafriko, sed nun ŝajnas, ke Israelo ja rajtas plenumi ĝin. Israelaj ŝtato kaj armeo malrespektas sovaĝe la militajn leĝojn, kaj ĝia juĝa sistemo enkarcerigas infanojn kaj adoleskantojn dum tre longaj periodoj, sen juĝo.

Ni kulpigas ankaŭ la religian ekstremismon de kelkaj palestinanoj, kiuj atakis israelan loĝantaron, ne respektante la militajn leĝojn, frapante nemilitistajn celojn, kaj kidnapante homojn ne apartenantajn al malamika armeo, kaj tiel endanĝerigas la vivon de siaj kuncivitanoj cele al reteno de sia propra situacio de aspiranto al ŝtato.

Ni kulpigas ankaŭ trian kulpulon en la nomita "internacia komunumo" (orkestre estrita el Usono), subulece obeita fare de la Eŭropa Unio kaj precize de tieaj registoj, kiuj akceptas la ĉantaĝon fare de Israelo, kiu kulpigas kiel "antisemitismo" ajnan kritikon faritan kontraŭ la krima israela konduto, kio povus ja estis kontraŭcionisma, sed tute ne kontraŭsemida.

Pro tio ni postulas la tujan haltigon de la bombardado, la rekonstruadon de la damaĝoj, la malfermon de pacnegocado kaj la necesan kunvivadon de ĉiuj popoloj de la mondoregiono, ĉiuj kun la samaj rajtoj.

Novembro, 2023.

NOVAJ EN LA SAT KULTURO