Eldonoj de la kooperativo de SAT en 2011

Esperanta mapo de Eŭropa franclingvio

Danke al tiu mapo, la ĉefaj nomoj, esperantigitaj, estas same prononceblaj de ĉiuj esperantistoj, sendepende de ilia scipovo de la franca lingvo. La nefranclingvaj esperantistoj ne plu riskas stumbli kontraŭ la 15 vokalaj fonemoj de la franca lingvo, kaj diversaj aliaj fonetikaj malfacilaĵoj.
Tiu ĉi unua mapo aperis okaze de la 66a kongreso de SAT-Amikaro en Seto (Heraŭtio).

 Plastigita afiŝo / mansubaĵo
 Kolektiva
 Formato : 29,7x42 cm
 Eldonita en aprilo 2011
 Prezo : 3,5 €

 Prezento sur la retejo de la eldonkooperativo

La Aliulo

Beneto, sukcesa inĝeniero pri pontkonstruado, pli kaj pli ofte estas alparolata de homoj, kiujn li ne konas, sed kiuj ŝajnigas ke ili tre bone konas lin, kaj ĝenerale malestimas lin. Tio kaŭzas al li pli kaj pli da ĝenoj en lia privata, en lia profesia kaj en lia publika vivo, ĝis polico pridemandas lin pri krimaj faroj. Ŝajnas ke pri ili kulpas alia homo. Sed kiu do estas tiu aliulo kiu tiom fuŝas lian vivon ?

 Originala romano
 Aŭtoro : Serĝo Elgo
 218 paĝoj
 Formato : 12x18 cm
 Eldonita en aprilo 2011
 Prezo : 12 €

 Prezento sur la retejo de la eldonkooperativo

Indignu !

« 93-jaraĝa. La fino ja baldaŭas. Bonŝance, restas ankoraŭ tempo por elvoki tion, kio estis la fundamento de mia politika engaĝiĝo : nome la programon ellaboritan antaŭ sesdek jaroj de la Nacia Konsilio de la Rezistado ! »

 Eseo
 Aŭtoro : Stéphane Hessel (Stefano Heselo)
 Traduko (elfrancigo) : kolektiva
 22 paĝoj
 Eldonita retlibre en majo 2011 (originalo eldonita oktobre 2010)

 Prezento sur la retejo de la eldonkooperativo

Eldona Fako Kooperativa de SAT