Perdita batalo

Hans-Georg Kaiser
Perdita batalo

Se vortoj jam perfidi volas,
rigardoj nin ne plu kunligas
kaj frost’ anime jam ekrolas,
nenio plu nin esperigas.

Se gestoj levas nur suspekton
kaj kapoj dube sin balancas,
se vokoj vekas nur neglekton,
afablo tute malavancas.

Se tre akriĝas la ridado
kaj mok’ ekdraŝas kiel hajlo,
jen la malico nin minacas
kaj tuta mondo ekgrimacas.

Se jen milito fineksplodas,
neniu plu al tiu spitas,
se hom’ la homon ekmarodas,
jen la batal’ pri am’ perditas.