Neniu nokt’ sin tenas

rimpoemo

Hans-Georg Kaiser
Neniu nokt’ sin tenos

Diru neniam neniam,
ĉio eblos tamen iam.
Kaj se ne tuj ĝi venos,
la nepoj poste penos.

Diru neniam neniam,
la despero velkos ĉiam.
Neniu nokt’ sin tenos,
ĉiam nova tago venos.

PS : La poemo ekestis pro instigo de la poemo „Neniam plene noktiĝas“, kiun verkis la franca poeto Paul Eluard. Tiu memorigis min pri la frazo el Nova Testamento, Sankta Johano 1-5, unua ĉapitro, kvina frazo : "Kaj la lumo brilas en la mallumo, kaj la mallumo ĝin ne venkis." Mi persone tradukus ĝin iom alie : "Kaj la lumo brilas en la tenebro, sed la tenebro ne kaptis ĝin." Tio estas por mi la esenco de tiu frazo : sukcesa rezisto kontraŭ la tenebro. (HGK)

Sennacieca Asocio Tutmonda
67 av. Gambetta FR - 75020 Paris
(telefono) +33.(0)1 47 97 87 05 / (fakso) +33.(0)1 47 97 71 90 / Freebox: +33.08 70 71 01 97
Oficejo malfermita lunde 09h30-15h30 kaj de mardo ĝis vendredo 09h30-16h30.

Ĉefa paĝo mapo privata ejo

Supren