SAT - Sennacieca Asocio Tutmonda

Raporto pri la reta kongreso de 2020.

Paŭlino — 2021-07-26T10:08:18Z

Raporto pri la ekologiisma frakcia kunveno.
Far Paŭlino Gaborit, la 28an de julio 2020.

!!! Ni ricevis anoncon de Neil Bronstein kiu donas mangojn el sia ĝardeno !!!

Paŭlino anoncis sian deziron forlasi la postenon de gvidanto al iu alia kiu havus pli da tempo sed bedaŭrinde neniuj deziris ĝin. Ŝi daŭrigos tion ĝis iu alia proponos sin, provante vigligi la frakcion inter du kongresoj sed promesas nenion. Se iu ajn deziras anonciĝi, ĝi povas kontakti ŝin (paulinegaborit7@gmail.com).

La homoj estis tre interesitaj por interŝanĝi pri ekologiismo kaj 39 homoj partoprenis la kunvenon. Ĉiu jare la temo interesas pli kaj pli da homoj, ligite al la ŝanĝoj de la socio pro bezonego rekonsideri nian ĉiutagan vivon kaj malpliigi la detruojn kaŭzitaj de homoj al la planedo.
Guy Martin parolis pri la dosiero kiun li gvidis en la aprila/maja Sennaciulo pri kolapsologio. Manfred Westermeyer (AVE) helpis en la dosiero kaj la aŭtoro Jared Diamond estis menciita pro sia ege bela analizo de kolapsologio tra la diversaj socioj dum jarcentoj kaj komparado kun nia nuna socio. Li proponas alian temon por venonta Sennaciulo : « Kiun vivon post KOVIM ».
Ni parolis de nove pri la ligo inter SAT-ekologiisma frakcio kaj AVE, tiam Dieter Rooke parolis pri la modelaj agadoj de Manfred en Afriko. Pri tio, Luiz (Alberto de Oliveiro Coelho ?) proponis ke la frakcio rilatu kun AVE inter du kongresoj.
Alex Cesario demandis ĉu rilatas inter vegetara kaj ekologiisma frakcioj pro la fakto ke ofte la vegetara dieto helpas ekologiismon. Ekzemple en Brazilo kie la arbaro estas forigita pro bov-bredado. Fabricio Valle proponas organizi la SAT-kongreson de 2024 en Amazonio kun la temo « ekologiismo » ? Li proponis spekti la filmon « Cowspiracy ».
Sed por Janos Petik, aŭtomobiloj estas la kaŭzoj de niaj ekologiaj problemoj.
Por Iza (Izabela Sikwiewitcz ?), kapitalismo estas granda problemo. Ŝi vidis ŝanĝon de la komunista al la kapitalisma socio en sia lando Pollando. Ankaŭ por Brandon Sowers, kapitalismo estas problem-kerno kaj li citis la ekzemplon de la nafto-tuboj kiuj iras tra ka indiĝena teritorio. Pro kapitalismo, ĉio devas kreski, ia karakteriza eco. Li proponas elektrajn aŭtojn kaj kreditoj pri karbo. Kaj Fabricio ne volas vendi Amazonion al kapitalismo.
Janos proponas bazajn rimedojn por ĉiuj. Neil pliigis parolante pri edukado kiel bazo kaj de la fakto ke la agrikulturaj laboristoj en Usono estas kiel sklavoj.

Raporto de la verdula frakcio dum la Barcelona kongreso (2019)

Paŭlino — 2021-07-26T10:07:57Z

Ĉeestis ĉirkaŭ 15 homoj dum la kunveno, kiu okazis la sabaton 10a de aŭgusto en Barcelono, de la 9a30 ĝis la 10a30, dum la 92a SAT-kongreso.

Ni parolis pri kiel ampleksiĝis la verdula movado ekde pasintjare. Ekzemple en Germanio, hodiaŭ la ekologia partio estas la plej multnombra. Kaj dum la lasta eŭropa balotado, tiam unu triono de la seĝoj estis gagnitaj de la verduloj. Eĉ dum la lasta UK, la ĉefa temo estis ekologio kaj ĉe la komunisma frakcio oni ankaŭ parolis pri tio.
Ni proponis redakti unu artikolon pri ekologiismo por ĉiu aperota numero de Sennanciulo. Kolapsologio estis elektita temo por printempo en tuta dosiero. Guy Martin proponas sin kiel referenco por tio. Dieter proponas skribi artikolon pri kiel okazas nuntempe en Szislano.
Ni parolis pri proponi karavanon por vojaĝi pli ekologie venontjare. La demando estis : « ĉu vojaĝi foren por partopreni SAT-kongreson estas ekologie ? »
Ni parolis pri la limigoj kiujn oni travivas dum la ĉiutaga vivo kaj ke eĉ se ni ne ĉiam ekologie agadas, tiu ne signifas ke ni ne estas verduloj.
Ni legis la regulojn de W. Guenther :
« 1. Pripensu ĉion !
2. Ne akceptu la malsaĝan !
3. Reciklu viajn diojn !
4. Reuzu eĉ la plej etan !
5. Riparu, riparu, riparu !
6. Reduktu ! »
Ni ankaŭ proponis montri sin kiel esperantistoj ĉe la grandaj ekologiaj bataloj kaj proponi al esperantistoj partopreni tiajn batalojn.
Ni ankaŭ parolis pri printi flugfoliojn por varbadi kaj afiŝi konsilojn ie ajn en la kongresejoj por ŝanĝi la kutimojn.

Raporto pri la ekologiisma frakcia kunveno dum la 92a SAT-kongreso en Kragujevaco 2018.

Paŭlino — 2018-08-15T11:30:58Z

La ekologiisma frakcia kunveno okazis de la 17a ĝis la 18a horo ĵaude la 9an de julio 2018 en Kragujevaco dum la 91a SAT-kongreso (Serbio).

Ĉeestis Vito Markovo, Paŭlino Gaborito, Arturo Prent, Telma Oliveira Ribeiro, Denise Happi-Fosso kaj venis kaj rapide foriris Bojana Alfirevic.

Arturo : Proponas « Ekologiisma frakcio (verduloj) » por pli da klarigoj.
Vito : Aldonas ke ni eĉ povas proponi « Ekologiisma frakcio » sen io ajn. Klarigas en si mem.
Paŭlino : Proponas krei SAT-diskutliston.
Vito : Proponas agadi en siaj propraj ekologiaj medioj.
Telma : Raportas : « La ekologia movado preskaŭ mortis en Brazilio. Tamen la reciklado komenciĝis. Ŝi jam uzas la reciklaĵojn por igi al ili duan vivon. Ŝi kaj sia kunulo Bruno instruas al la homoj pluki la rubaĵojn sur la strando ĉe la marbordo. Nun ne plu eblas uzi la plastajn sakojn en la manĝovendejoj. Leĝo naskiĝis por malpermesi la suĉpajlojn. La ekologiisma partio iĝis dekstra. En Brazilio ekologiisma estas grava pro la fakto ke la Amazonia arbaro estas pli kaj pli detruita por bredi bovojn kaj kreski sojkampojn. »
Arturo : Demandas : « Kiel montri la gravecon de esperanto al ekologiismo ? »
Paŭlino : Raportas ke okazis alternativan semajnon en Greziljono, ĉi jare iĝis Veganan semajnon. Eblus organizi ekologiisman esperantan semajnon kiel ReVe pri veganismo.
Arturo : Aldonas ke en Eŭropa unio ni povus organizi iun subvenciita.
Vito : Pensas pri « Eating together ». Li ŝatus esperantigi tiun retejon.
Paŭlino : Aldonas ke tra UNESKO ni povus havi helpon ĉar ĉi jare la ĉefa temo estis esperanto.
Arturo : Rimarkas ke ni devus trovi allogan lokon por ke la homoj povus veni buse aŭ trajne.
Paŭlino : Aldonas ke ni povus proponi alternativajn veturilojn al la kongresanoj antaŭ veni al la kongreso.
Arturo : Diras ka « Interail » povas esti interesa. Informiĝi pri tio.
Paŭlino : Instigos organizadon de renkontiĝo ĉe la diskutlisto.
Telma kaj Denise pretas helpi.
Vito : Prezentas novan kampanion de « Greenpeace » : « Less meat More vegets ».
Paŭlino : Aldonas ke Greenpeace en Anĝevo kontaktis la veganan asocion pri tiu kampanio.
Vito : Proponas organizi biciklan karavanon por iri al la Barcelona kongreso venontjare.
Arturo : Raportas ke en Londono la biciklovojoj estis plibonigitaj.
Denise : Aldonas ke samas en Parizo.
Vito : Demandas ĉu elektraj bicikloj estas pli ekologiaj ol aliaj veturiloj ?
Arturo : Proponas ĝisdatigi artikolojn en esperanto ĉe Greenpeace.
Paŭlino : Proponas ke ni proponu al la Sennaciulo artikolojn pri ekologiismo.
Vito : Aldonas ke iu devus respondeci pri tio ĉiu monate.
Paŭlino : Demandas kiu ŝatus plenumi tiun taskon ?
Denise : Respondas ke ŝi bonvolas sendi artikolojn sed ne respondeci.