Fetoraĉas !

Post la prelego rasista ripetita de la sarkozia registaro ĉi-somere, post la abundaj malkonstruoj de tendumejoj kaj sensaciaj forpeloj, kun samtempa krimigo de la tuta komunumo de la Romaoj, kiu estis egaligita kun la tuta enmigrado kaj deliktado, oni eĉ aŭdis pri „malnacianigo“… Kontraŭe al tio, kuniĝis kolektivoj kontraŭ ŝtata ksenofobio, kiu alvokas multobligon en ĉiuj urboj kaj urbetoj…

Neakceptindas ke virtaj sofismoj povas kamufli la daŭrigon de instituciaj rasistaj aranĝoj. Tiucele, la kolektivoj kontraŭ ŝtata ksenofobio ekde nun eldiras du denuncojn, kaj postulas, ke tiuj abomenaĵoj ĉesu kiel eble plej rapide :

• Abolicion tujan de la libreto por cirkulado !

Ekde 1912, do baldaŭ jam de unu jarcento ekzistas en „Franca Respubliko“ subcivitana statuso por la „anoj de la vojaĝanta gento“, truditaj prezentiĝi ĉe la polico ĉiun trian monaton, sub minaco de unujara malliberigo. Por ĝui sian civitanajn rajtojn –kiel la rajto voĉdoni, oni devas ligiĝi dum almenaŭ tri jaroj al urba komunumo, se la urbestro kaj la Prefekto tion permesas !

• Vilaĝoj por integriĝo = Internigejoj

Ekde 2006, en Seine-Saint-Denis, lokiĝas „vilaĝoj por integriĝo“, france nomitaj M.O.U.S (Maîtrise d’œuvre Urbaine et Sociale, urba kaj socia kunordigado), en kiuj loĝas Romaoj el Rumanio kaj Bulgario. 75% de la buĝeto de tiuj detenejoj estas dediĉita… al la gardado kaj la „sekureco“, t.e. noktogardistoj kun hundoj, kameraoj, dratretoj. Povas esti malpermesite eliri vespere… Estas malpermesite akcepti vizitantojn ! Necesas demandi permeson al la Prefkto por eniri !

Necesas tuj malaperigi

diskriminaciojn instituciajn.

Kolektivoj kontraŭ ksenofobio • contrelaxenophobie@gmail.com

Kunsidoj ĉiudimanĉe, je la 15-a ĝis la 18-a. 38, strato Keller Parizo

(inter Bastilo kaj Voltero).

Blogo : http://contrelaxenophobie.wordpress.com

Fonto : http://contrelaxenophobie.wordpress...

Tradukis Ĵomo Blanŝezo

Kamaradoj el la Pariza SAT-rondo ĉeestos la manifestacion kun tiu teksto dulingve (fr/eo), vidu la anoncon franclingve sur la retejo de SAT-Amikaro :
– Paris-République (75), 04 septembre 2010 : Manifestation contre la xénophobie d’État