sat kulturo
serĉado :
 .  ĉefa paĝo  .  indekso  .  Kontakto  .  ĝisdatigita ĵaŭdon la 6an de junio 2019 . ĝis nun estas 1348 tekstoj










Redonu mian monon ! (kantotraduko)

Eldoneja kooperativo de SAT Lepsiko 1924 (Proletara Kantaro)



Redonu mian monon

La kapitalistoj trans maro
La kapitalistoj ĉe ni,
La kapitalistoj nun ĉie
Rabadas la monon de mi

(Ĥoro)

Mian monon,
ili redonu al mi, al mi ;
Mian monon, ho !
devos redoni al mi !

Ja tuta la laboristaro
En iu ajn parto de l’mond’
Suferas pro sama mizero :
Ĉu estas ne granda do hont’ ?

(Ĥoro)

Ke mortis la kapitalistoj,
Lastnokte mi sonĝis kun mir’
Kaj lasis por gelaboristoj
Riĉaĵojn laŭ ĉies dezir’.

(Ĥoro)

Batalu, amikoj trans maro !
Batalu, amikoj ĉe ni !
Por bono de l’ laboristaro
Reprenu la monon por ni !

(Ĥoro)

La kantotekston tradukis Novalo el angla versio.

Proletaria kantaro, Eldona Kooperativo de SAT, Lejpcigo 1924, 180 p. Grandparte kun muziknotoj.

Sama rubriko :


puce Jakvo Brel : Kiam restas am’ nur (la kanzonon kantas FaMo)

puce Maria Villalón : La pluvo (kantas Paloma kaj Andrea)

puce Raymond Levesque : Ekkiam regos am’ sur ter’ (Ĵak le Puil kantas)

puce Pottier & Degeyter : La Internacio (himno de la laboristaro tutmonde)

puce Redonu mian monon ! (kantotraduko)

puce Himno de SAT




Supren