En S-ulo de majo-junio 2011 aperas p.39 enRaporto el Redaktoskipo de SAT, ke “Serge Sire forlasis la skipon, pro malkontento pri la labormaniero de Jakvo”.
En la kolofono, Jakvo aperis nur kiel “enpaĝiganto”, ne kiel “Ĉefredaktanto” (nun korektita). Mi absolute ne malkontentis (nek -as) pri la labormaniero de la enpaĝiganto, estiel enpaĝiganto. Fakte temas pri la maniero koncepti la ĉefredaktan rolon. Ĉu ĉefredaktanto rajtas selekti por aperigo aŭ neaperigo sen minimuma informo al la teamo, jen la tiklaĵo. Jakvo minimume dufojojn tion faris. Ĉu li kulpas, ĉu li plenumas nevortigitan rajton, por mi egalas, mi ne deziras enskipiĝi en tiel funkcianta organizo.
Serge Sire 32412
En S-ulo de majo-junio 2011 aperas p.39 en Raporto el Redaktoskipo de SAT, ke “Vito Markovo forlasis la skipon, pro malkontento pri la labormaniero de Jakvo.”
Jen la mesaĝero per kiu mi forlasis la skipon :
“fininte mian provlegan laboron por ĉi numero, mi deziras ne plu resti en la listo kaj redaktoskipo dum almenaŭ kelka tempo. Do bv forviŝi min el la kolofono ekde 2011.
Kialoj de mia foriro estas pluraj kaj ne necesas ke mi detaligu ilin ĉi tie. Sed ne estas malbone laŭ mi ke nomoj malaperas el la kolofono, tio eble instigos aliulojn (novulojn) (re)enskipiĝi.”
Mi nun do klare precizigas, ke “malkontento pri la labormaniero de Jakvo” ne kuŝas inter la decidigaj kialoj de mia foriro.
Markovo-Vito 35521
El Sennaciulo, julio-aŭgusto 2011
Sennacieca Asocio Tutmonda (SAT)
67 av. Gambetta
FR - 75020 Paris
Retadreso : kontakto_ĉe_satesperanto.org
Pri financaĵoj : financoj_ĉe_satesperanto.org
Retejo : http://satesperanto.org/
Tel : (+33) 09 53 50 99 58
Poŝtkonto n-ro 1234-22 K, La Banque Postale, Paris
IBAN : FR41 2004 1000 0101 2342 2K02 064
BIC : PSSTFRPPPAR
Konto de SAT ĉe UEA : satx-s
Konto de SAT ĉe PayPal : financoj_ĉe_satesperanto.org
Por renkontiĝi kun SAT-anoj en Parizo, informiĝu ĉe la sidejo de SAT-Amikaro
Se vi havas demandojn pri SAT, skribu al la SAT-oficejo en Parizo
aŭ al via peranto
Pri teknikaj problemoj sur la paĝo, skribu al paĝo-aranĝulo.