Ĝisdatigita merkredon la 6an de julio 2016   Privata spaco  
Kiuj ni estas ? Kio estas SAT ? Eldonaĵoj E-librejo Projektoj Regularo Arĥivoj Kontaktoj

En la sama rubriko

puce Mortopuno : faktoj & dokumentoj
puce Glumarko "Paco" en 21 lingvoj
puce Broŝureto "La abolo de la laboro" de Bob Blak
puce Broŝureto "Parizo Lumurbo" de Djemil Kesus
puce Broŝureto "For la Neŭtralismon !" de Lanti
puce La Pariza Komunumo de 1871
puce La Itala socialismo kaj esperanto
puce Provu kun Linuks’
puce Poŝkarto de malnova afiŝo (SAT-Amikaro)
puce Plano B - Mobilizo por savi civilizacion
puce Kompendio de la Kapitalo de Karlo Markso
puce Vivu CHE METODO - VIVU ESPERANTO
puce Glumarko "Lernu Esperanton & aliĝu al SAT !"
puce Teatraĵo : Karotkapo, de Julio Renard’
> Hejmpaĝo > Eldonaĵoj de la kooperativo > Manifesto por nova civilizado — Sufiĉas trairi la ponton

Klaku por vidi grandan formaton

Manifesto por nova civilizado — Sufiĉas trairi la ponton

La libreto "Manifesto por nova civilizado" kun subtitolo "Sufiĉas trairi la ponton" celas plenigi kompletan mankon de alternativo rilata al etiko kaj daŭro de nia civilizado. La du kunverkintoj havas klaran pozicion pri gravaj problemoj (socio, ekologio, komunikado, financo, heredaĵo) kaj diras sian indignon pri forgeso pri la homo en ĉiuj kampoj kaj pri la laŭdira progreso, kiu fakte kaŝas la volojn regi kaj alproprigi. Neniu inda ŝanĝo estiĝos sen profunda ŝanĝo en la spiritoj, kaj tiu libreto alportas la necesajn elementojn. Kerna ĉerpofonto estas la verko de profesoro Gilbert Durand "Scienco de la Homo kaj Tradicio".

Antaŭparolo de la tradukinto :

Michel Eliard /Miŝel’ Eljar’/ estas esperantisto el suda Francio kaj... li ne havas televidilon, sekve restas al li multe da tempo por legi kaj pripensi. Kun juna instruisto, Patrick Pappola /Patrik’ Papola’/ forte engaĝita en bataloj por protekti naturon (defendo de la urso en la montaroj Pireneoj, natura rezervejo mara kaj tera inter Marsejlo kaj La Ciotat /La- Sjota’/) li multe diskutis pri kia mondo restos por niaj infanoj se ni daŭre vivas tiamaniere. Tute klare estas, ke nia mondo ne povas daŭre vivi laŭ la konsumsistemo, kiu permesas vivigi 6 miliardojn da homoj laŭ la usona vivmaniero dum ni jam estas 7 miliardoj. Same tute klare estas, ke ni, el ekstremokcidenta mondo, kiuj ĝuas la diversajn profitojn de progreso ne rajtas malpermesi al la evoluantaj landoj celi la samon, do ni kune, ni la Homoj, devas krei novan socimodelon ne kun kresko sed kun malkresko por respekti la planedon kaj la homojn. Sed ne nur konkretaj havaĵoj permesas al la homo bone vivi se li ne samtempe pripensas sian lokon en la mondo : kiel rilati kun la naturo ? kiel rilati kun la Tradicio ? kiel konscii, ke ni vivas nur surbaze de diversaj mitoj, neniel raciaj. Apogante siajn ideojn sur la ideoj de nunaj sociologoj (ĉefe Gilbert Durand /Ĵilber’ Duran’/) aŭ malnovaj filozofoj, la du kunverkintoj invitas nin pripensi kaj kun ili trairi la ponton al alitipa socimodelo. Trairi, ne nur transiri ĉar ne mankos problemoj kaj malfacilaĵoj.
Tiu "promenado" tra la jarcentoj kondukos nin de greka mitologio al francaj filozofoj, de la pensantoj de la 18a jarcento (jarcento de la Lumoj) al nuntempaj bardoj. Por helpi vin, vortareto je la fino de la eseo iĝas kvazaŭa panoramo de moderna filozofio.
Renée Triolle

Vinko Markovo prezentas la broŝuron Manifesto por nova civilizado kadre de la 86a SAT-Kongreso okazinta en Madrido de la 28a de julio ĝis la 4a de aŭgusto 2013 :

Soci-filozofia eseo
Aŭtoroj : Michel Eliard, Patrick Pappola
Traduko (elfrancigo) : Renée Triolle
55 paĝoj
Formato : 20x14 cm
Eldonita en julio 2013
ISBN : 978-2-918053-10-1
Prezo : 3 €

 

Eldona Fako Kooperativa de SAT /// 67 av. Gambetta /// 75020 PARIS

En Francio : Poŝtkonto : Eldona Fako Kooperativa de SAT n°PA 57 612 61W

El eksterlando : Sama konto : IBAN : FR79 2004 1000 0157 6126 1W02 054 BIC : PSSTFRPPPAR aŭ al la kooperativa konto ĉe UEA : efak-q


Kreita per spip