|
serĉado :
|
|
|
serĉado :
|
Por ĉiu verk’ necesas ŝvit’
Aŭ de l’ poet’, aŭ de l’ legant’.
Dominas pigr’, aŭ rajpas sprit’,
Se mankas pimp’ kaj elegant’.
Pletoras truk’, povras merit’ :
Por ĉiu verk’ necesas ŝvit’.
Leĝera lanĉ’ de semantem’
Tristigas min kiel steril’.
Kun hororeg’ kaj kalcitrem’,
Mi gvatas ĝin por maljubil’ ;
Agresas mi ĝin sen hezit’ :
Por ĉiu verk’ necesas ŝvit’.
"Koitas maskl’ kun la femal’",
Lispas fakul’ en kripta slang’.
Doloras min parietal’,
Molestas min la lingva strang’ :
Ĉu Esperant’, au Novsanskrit’ ?
Por ĉiu verk’ necesas ŝvit’.
De Zamenhof malnova klar’ !
Suspiras mi pro via for’.
Malolda la verspisistar’
Por maldescend’ al hastfuror’
Vortizas nun sen ia spit’.
Por ĉiu verk’ necesas ŝvit’.
Princo poet’, kompatu min :
Kribru l’ ercon de via min’.
Ne praviĝas ĉiu misprov’
Per ofta uz’ de truda pov’.
Neplusciaski
El "La Juna Penso" (Organo de la Junulfako de SAT) n° 124
Jun.-Jul. 1978
