MI ASPIRAS AL IU TAG’

Mi aspiras al iu tag’
Kiam ne plu staros karcer’
Kiam ne plu man’ sen esper’
Almozpetos ĉe krada fer’
… por liber’
Mi aspiras al tiu tag

Mi aspiras al iu tag’
Sen diktaturo, sen idol’
Sen flag’, sen patria simbol’
Kiu staras sur nekropol’
de popol’
Mi aspiras al tiu tag’

Mi aspiras al iu tag’
Kiam fine, l’kredemular’
Vekiĝos el sia erar’
Kaj malfidos pri la deklar’
de Cezar’
Mi aspiras al tiu tag’

Mi aspiras al iu tag’
Kiam ne plu miliardul’
Voros nutraĵon sen skrupul’
Dum larmas ĉe infanokul’
…panpostul’
Mi aspiras al tiu tag’

Mi aspiras al iu tag’
Kiam foraperos landlim’
Kaŭzo de plej terura krim’
Dum sonos Esperanta Himn’
… en l’anim’
Mi aspiras al tiu tag’

Mi aspiras al iu tag’
Sen pli rajto por nur la fort’
… Mi aspiras al tag’ sen mort’
Krom milda morto de la tag’

(El "je voudrais voir un jour" de C. CHEBERT) Tradukis Marcel Ternant