Elekti kolorojn :
Ni agu kontraŭ la pafaĵoĵetoj el bomboj. Letero al Sinjoro Martti Ahtisaari, Nobelpremiito pri la Paco 10 000 km kontraŭ la pafaĵoĵetoj el bomboj. Amnestio Internacia pri pafaĵoĵetoj el bomboj Apliko de la decido de la unua paragrafo de la Deklaracio de la 81-a Kongreso Cento da Ŝtatoj subskribis la Konvencion de Oslo. FINE… Instalado de usonaj radaroj en Ĉeĥio : VENKO ! Kampanjo de la Infanoj por Senperforta Mondo Kunveno pri la pafaĵoĵetoj el bomboj en Sofio (Bulgario) Letero al sidejo de CMC NE al la instalado de usonaj radaroj de NATO en Ĉeĥio. Porpaca manifestacio en Vicenza Provoj de la senminigilo "Demichain"Pacista Frakcio
Letero al Sinjoro Martti Ahtisaari
Nobelpremiito pri la Paco
C.I.M.
Pieni Roobertinkatu 13 B 24-26
FI-00130 HELSINKI
FinnlandoTemo : Konvencio de Otavo
Sinjoro Prezidento,
En la Eŭropa Unio, Pollando ne ratifis kaj Finnlando ne subskribis la Konvencion de Otavo. Ĉiuj aliaj landoj de Eŭropa Unio ratifis tiun Konvencion.
Dum nia Kongreso en pariza regiono en 2007, kaj nia Kongreso en Kazanlako (Bulgario) en 2008, SAT skribis al la Ambasadoroj de Finnlando en tiuj du landoj, por peti ke Finnlando subskribu la Konvencion. Ni neniam ricevis respondon.
Plie, laŭ niaj informoj, Finnlando subskribos la Konvencion nur en 2025, kial ?
Sinjoro Prezidento, ĉu vi povus uzi vian altan aŭtoritatecon por interveni apud la Registaro de via lando, por ke Finnlando rapide subskribu la Konvencion de Otavo. La kontraŭpersonaj minoj jam sufiĉe mortigis kaj vundis senkulpajn civilulojn.
Bonvolu akcepti, Sinjoro Prezidento, niajn tre respektoplenajn salutojn.
Por la Movado SAT
Colette Weiss André Weiss
Ĉi supre, vi legis la leteron, kiun ni sendis al S-ro Martti AHTISAARI, civitano de Finnlando, nobelpremiito pri paco en 2008. Kun tiu esperanta letero, ni sendis finnan tradukon de la letero efektivigitan far nia Finna kamarado : Antero Harju, kiu ankaŭ donis al ni la adreson.
-1- S-ro Martti AHTISAARI ne respondis al nia letero ; ni opinias ke li neniam respondos.
-2- Finnlando ne subskribis la Konvencion de Otavo, pri la kontraŭpersonaj minoj, en decembro 1997 ; kaj Finnlando ne subskribis la Konvencion de Oslo, pri la pafaĵoĵetoj el bomboj, en decembro 2008.
-3- Dum la kampanjo de subskriboj de la Konvencio de Otavo en decembro 1997, la Prezidento de la Respubliko de Finnlando estis : S-ro Martti AHTISAARI.
La vorto PACO ne signifas la samon por ĉiuj.
Colette Weiss kaj André Weiss Januaro 2009.