LA FRANCA NEO GEOGRAFIE KAJ SOCIOLOGIE

1.- Geografie :

En la Pariza Regiono ("Francilio"), nur tri departementoj el ok voĉdonis "JES" : Parizo mem (66,45%), Hauts-de-Seine (61,91 %) kaj Yvelines (59,42 %). En tiuj tri departementoj koncentriĝas la plimulto el la plej grandaj havaĵoj de Francio. La rekordo de la "NE" estas atingita en la departemento Seine-Saint-Denis, kie estas la plej granda koncentriĝo de malriĉaj laboristoj en Francilio.

El naŭ ekstereŭropaj departementoj ("DOM-TOM), nur unu voĉdonis "NE" : Reunion (59,95 %). La absolutan rekordon por tuta Francio atingis la "JES" en Wallis-et-Futuna (89,67 %), kiu tradicie voĉdonas reakcie.

Bretonio kaj Pays-de-Loire voĉdonis "JES", escepte de la departementoj Cotes d’Armor (NE : 53,28 %) kaj Sarthe (NE : 57,41 %). La departemento Vendee, kie elektita estas la reakcia suverenisto Philippe de Villiers, kiu kampanjis por la "NE", voĉdonis "JES" (50,20 %).

En dudepartementa Elzaco, kiu sume voĉdonis "JES" (53,44 %), la departemento Bas-Rhin (nordo) voĉdonis "JES" (56,11 %), dum Haut-Rhin (sudo) voĉdonis "NE" (50,28 %).

La regiono Rhone-Alpes voĉdonis "NE" (51,62 %), sed nur du departementoj el ok voĉdonis "JES" : Rhone (54,18 %) kaj Haute-Savoie (53,94 %). La ses aliaj voĉdonis "NE".

Ĉiuj aliaj departementoj voĉdonis "NE". La voĉdonoj "NE" superis 60 % en kvar regionoj : Nord-Pas-de-Calais, Haute-Normandie, Picardie (tiuj tri en plej norda Francio) kaj Languedoc-Roussillon (plej suda el kontinenta Francio). Tiuj regionoj havas la plej gravajn ekonomiajn problemojn (senlaboreco en la ekstremnordo, efiko de vinprodukta akra konkurenco en la ekstremsudo).

2.- Sociologie (Fonto : sondinstituto IPSOS) : Konsisto de la voĉdonantaro de la "NE" laŭ partia simpatio :

Maldekstrularo :

Socialista Partio : 29,8 %

Komunista Partio : 10,6 %

Verduloj : 8,5 %

Ekstremmaldekstro : 5,6 %

Dekstrularo : Dekstruloj

(MPF, UDF, UMP) : 17,0 %

Ekstremdekstruloj

(FN, MNR) : 19,5 %

Sen partia simpatio : 9 %

Laŭ socia aparteno :

Voĉdonis "NE" plimulto el : laboristoj, senlaboruloj, terkulturistoj, oficistoj, sendependaj laboruloj, intermitaj profesiuloj, metiistoj, komercistoj, entreprenestroj.

Voĉdonis "JES" plimulto el : studentoj, pensiuloj, liberalaj profesiuloj, altaj estroj.

Laŭ aĝo :

Laŭ enspezaro (neta monata familia enspezaro) (Fontoj : IPSOS kaj CSA

Laŭ seksoj :

(Fonto : IPSOS) JES—NE

Virinoj : 47 %----53 %

Viroj : 43 %------57 %

Mi kompilis tiujn informojn el 1. "L’Humanité" de 31 majo kaj 2.- "L’Humanité hebdo" de 4 kaj 5 junio 2005.