|
serĉado :
|
|
|
serĉado :
|
Joĉjo Hilo (Joe Hill), 1879-1915, sveda enmingrinto en Usono, estis fama malneŭtrala kantisto k aktivulo el la movado ILM (Industriaj Laboristoj de la Mondo, usone IWW : Industrial Workers of the World), kiu kontraŭbatalis la ekspluatadon de la laboristaro. Li estis ekzekutita pro murdo post neregula proceso, kaj poste iĝis la temo de pluraj popolkantoj, inter kiuj ĉi tiu estas la plej fama.
Liaj lastaj vortoj antaŭ la ekzekuto (la 19-an de novembro 1915) estis : “Ne funebru pri mi - organizu vin !”
Teksto : Alfred Hayes
Muziko : Earl Robinson
Traduko : Jomo Ipfelkofer’ (1977)
Lastnokte vidis mi Joe Hill,
En sonĝ’ aperis li.
Mi diris : “Ĉu ne mortis vi ?”
Neniam mortis mi. (2x)
Ili ekzekutis vin, Joe Hill,
Timigite diris mi.
Nu jes, - respondis li kun rid’,
Sed tamen vivas mi ! (2x)
La kupro-estro murdis vin,
Mortpafis vin, Joe Hill !
La korpo mortis, - jesis li,
sed tute ne l’ anim’ ! (2x)
Li staris apud mia lit’
Kaj ĝoje diris mi :
Do, ne trafite, la spirit’
Ĝi vivos plu sen tim’ ! (2x)
Neniam mortis de Joe Hill
La memor’ al l’ subpremad’.
Subtenas laboristojn li
En ilia batalad’. (2x)
En tuta mond’, - al mi li krias
Vi ĉie trovos min,
Kie strikas, luktas, liberiĝas
Frato kaj fratin’. (2x)
Lastnokte vidis mi Joe Hill,
En sonĝ’ aperis li.
Mi diris : “Ĉu ne mortis vi ?”
Neniam mortos mi. (2x)
Tiu verko aperis en La Verda Trobadoro, komune eldonita de la Junulfako de SAT k FLE en 1986, p.144.
Aŭskultebla sonregistraĵo (post elŝuto kaj malkopaktigo) :
La Internacio
Kantokolekto Lilandejo Redonu mian monon ! Kejzi’ Ĝoŭns’ la strikrompanto Komandanto Che Guevara La Predikisto kaj la Sklavo (Torto post la morto) Joe Hill Ĉi nokte sonĝis mi Ja ni venkos ! SAT-himno La Tempo ĉeriza For la landlimojn ! La Paliso La Balado de homoj fieraj pro sia deveno