Ja ni venkos !

Himno de la Popola Unuiĝo de Ĉilio.
Originala titolo : "Venceremos"
Teksto : Sergio Ortega.
Muziko : Claudio Iturra

De la grundo patruja profunda
Nun leviĝas popola la kri’
Anonciĝas la nova erao
Kaj ekkantas la tuta Ĉili’
Memorante la bravan soldaton
Kiu glore batalis ĝis mort’,
Ni unuaj la morton alfrontos,
Al patrujo nenia perfort’ ! Ja ni venkos, ja ni venkos,
Ĉenoj mil jam ekpretas por romp’
Ja ni venkos, ja ni venkos,
Malriĉecon pelos ni for ! (x2) Kamparano, soldato, virino,
De l’ patrujo student’, laborist’,
Agu ĉiu por nia nacio,
Ankaŭ vi, oficist’ kaj minist’.
Kaj la gloron ni semos en tero,
Socialisma ja estos la mond’,
Kune ni historion estigos
De la estont’, de la estont’,
De la estont’

Tradukis : Renato Corsetti, Mauro La Ttorre, Gian Franco Molle.

La hispanlingva originalo aŭskulteblas ĉi tie.

Aliaj tekstoj memore al Salvador Allende ĉe la retpaĝaro de SATeH

Fonto : http://nodo50.org/esperanto/janivenkos.htm

Sennacieca Asocio Tutmonda
67 av. Gambetta FR - 75020 Paris
(telefono) +33.(0)1 47 97 87 05 / (fakso) +33.(0)1 47 97 71 90 / Freebox: +33.08 70 71 01 97
Oficejo malfermita lunde 09h30-15h30 kaj de mardo ĝis vendredo 09h30-16h30.

Ĉefa paĝo mapo privata ejo

Supren